Aandrywing geskied deur die 12V-kragbron van die trekvoertuig waaraan dit gekoppel is. Gegroefde toevoerrollers versprei die afgemete materiaal na die individuele lugbuise. Hoëkapasiteit waaiers sorg dat materiaal eweredig versprei word en die voermeganisme kan maklik aangepas word vir verskillende tipes saad en toedieningstempo’s. ‘n Verstelbare roerder verhoed dat saad die toevoerpype verstop.

Twee of drie Turbo Jets kan gekombineer word om byvoorbeeld saad, kunsmis en slakpille gelyktydig toe te dien. Net ‘n enkele kontrolestelsel is hiervoor nodig.

Hierdie veelsydige toedieners kan op ‘n magdom verskilende bewerkingsimplimente, insluitende tandêe van tot 6 m wyd, skoffels van 3 m wyd  en aaneengeskakelde bewerkingsimplemente van 8 m wyd en 20 m lank, gemonteer word. Turbo Jet werk ewe goed op beide opvoubare en rigiede implemente en kan maklik tot so ver as 30 m van  die kragbron funksioneer. Hulle kan aangepas word vir saaiwerk of bankplasing en die agt of tien uitlate kan met Y-koppelings verdubbel word tot sestien of twintig. Die uitlate kan ook individueel afgeskerm word vir gebruik tydens bandplasing met ‘n diepploeg.

Die posisie van die Turbo Jet(s) op die implement asook die individuele toevoerpype kan aangepas word volgens die tipe saad, of die implement rigied of opvoubaar is, en die lengte en breedte van die implement.